Home Made Tutti Frutti

بسم اللہ الرحمٰن الرحیم 

گرمی اپنے زور پر ہے اوپر سے تربوزوں کی بھر مار

تو چلئیے تربوز کے چھلکوں کو استعمال کر کے گھر میں ہی ٹوٹی فروٹی بناتے ہیں ۔  جس کو بعد میں فروٹ کیک میں متنجن یا پھر ٹوٹی فروٹی آئس کریم میں بھی استعمال کیا جا سکتا ہے ۔  

اجزاء :-

تربوز کے چھلکے 

فوڈ کلر   سرخ سبز پیلا

پانی  3/2 کپ 

چینی  1 کپ

ونیلا ایسنس  1 چائےکاچمچ 

ترکیب:-

تربوز کے چھلکے کو اندر اور باہر سے اچھی طرح صاف کر لیں ۔ یعنی اندر سے سرخ والا حصہ اور باہر سے سبز والا چھلکا چھری کی مدد سے نکال لیں ۔ پیلر کی مدد سے بھی تربوز کے چھلکے کو اتارا جا سکتا ہے لیکن پیلر سے تربوز کے اوپر والا چھلکا پتلا پتلا اترے گا۔  تو جب ہم ٹوٹی فڑوٹی کو بنائیں گے اس کی اوپری تہہ سخت بنے گی ۔جب کے ہمیں تربوز کا نرم والا حصہ چاہیے ۔

اس لئے چھری کی مدد سے ہی چھلکے کو اتارئیے گا۔  میری پاس تربوز کے جو چھلکے تھے وہ تھوڑے پتلے تھے اس لیے میں نے ان کو باریک باریک کاٹا ہے ۔ آپ اپنی پسند کے مطابق چھوٹے بڑے ٹکڑوں میں کاٹ سکتے ہیں ۔  صاف اور کٹ کرنے کے بعد میرے پاس تقریبا دو تہائی کپ تربوز کے ٹکڑے بچے تھے۔ 

اب ایک درمیانی دیگچی یا سوس پین میں حسب ضرورت پانی شامل کریں ۔ جب پانی میں ابال آنا شروع ہو تو تربوز کے ٹکڑوں کو شامل کر کے ابال لیں

جب یہ ٹکڑے ٹرانس پیرنٹ اور تھوڑے سے نرم ہو جائیں تو ان کو چھلنی میں نکال لیں ۔

ساتھ ہی ایک پین میں شیرے کے لئے  چینی اور پانی کو شامل کریں ۔ جب شیرا تھوڑا سا پک جائے یعنی چینی اچھی طرح سے گھل جائے تو اس میں ابلے ہوئے ٹکڑوں کو شامل کریں ۔  3 سے 4 منٹ تک ان ٹکڑوں کو شیرے میں ابال لیں ۔ چولہا بند کر کے ایک کھانے کا چمچ ونیلا ایسنس شامل کر کے برابر مقدار میں تین چھوٹی پیالیوں میں تربوز کے ٹکڑوں کو نکال کر سرخ ، سبز اور زردہ رنگ شامل کر کے 3 سے 4 گھنٹے تک ان کو شیرے میں ہی پڑا رہنے دیں ۔

(اچھا جی ایک اور بات جب آپ نے رنگ شامل کرنا ہے تو اس بات کا خاص خیال رکھنا ہے رنگ تھوڑا تھوڑا کر کے شامل کریں ۔ کیونکہ میں نے جب پہلی دفعہ ٹوٹی فروٹی بنائی تھی تو بہت زیادہ رنگ شامل کر دیا جس کا نتیجہ یہ نکلا تھا کہ پنک رنگ کی ٹوٹی فروٹی کڑوی سبز رنگ اور زردہ رنگ کے نمکین ہو گئی تھی ۔ اس لئے آپ ایسی غلطی مت کر یئے گا۔  تھوڑا تھوڑا کر کے رنگ شامل کریں )

آپ تیار شدہ ٹوٹی فروٹی کو ائیر ٹائٹ جار میں شیرے کے ساتھ بھی رکھ سکتے ہیں ۔ 

چاہیے تو اس کو سوکھا لیں۔ کیونکہ کیک اور آئس کریم میں ان کو ڈرائی فارم میں ہی استعمال کیا جاتا ہے ۔ سوکھانے کے آپ کو کیا کرنا پڑے گا۔ تیار ٹوٹی فروٹی کو کسی چھلنی میں ڈال کر اس کا شیرا نکال لیں ۔  کسی ہوا دار جگہ یا دھوپ میں اس کو سوکھا لیں ۔  

میں نے دو دن ک لئے اس تیار شدہ ٹوٹی فروٹی کو دھوپ میں رکھا تھا۔ کیونکہ ہمارے ہاں ان دنوں اتنی دھوپ نہیں نکل رہی ۔ ۔ ۔ 

اچھا جی!  سوکھنے کے بعد تیار ٹوٹی فروٹی اس طرح کی ہو جائے گی۔ زیادہ اس کو آپ نے دھوپ میں خشک نہیں کرنا ورنہ ٹوٹی فروٹی  ربڑی اور سخت ہو جائے گی۔ بس اتنا سوکھانا ہے کہ اس کو ہاتھ میں لینے سے چپ چپی  محسوس نہ ہو۔

تو لیجیے ٹوٹی فروٹی تیار ہے۔  دعاؤں میں یاد رکھیے گا ۔ 😊