Shredded chicken with boiled eggs

بسم اللہ الرحمن الرحیم
السلام و علیکم ورحمتہ اللہ وبرکاتہ

اجزاء:-

▪ ابلاچکن   2 کپ ریشے دار
▪ یخنی    1 کپ
▪ چکن پاؤڈر   1 کھانےکاچمچ
▪ نمک   حسب ضرورت
▪ لال مرچ   حسب پسند
▪ کٹی لال مرچ   حسب پسند
▪ ہلدی   1/3 چائےکاچمچ
▪ پیاز     3 عدد چھوٹے
▪ لہسن کے جوے    5 عدد
▪ ادرک پسی ہوئی    1 چائےکاچمچ
▪ ٹماٹر   2 عدد کٹے ہوئے
▪ ہری مرچیں    3 عدد
▪ ہرا دھنیا    آدھی گھٹی
▪ کٹا سوکھا دھنیا    1 کھانےکاچمچ
▪ ابلے انڈے    2 عدد
▪ تیل   حسب ضرورت

تیاری:-

چکن کو پانی اور ایک چٹکی نمک کے ساتھ ابال کر باریک باریک ریشے کر لیں۔ پانی اتنا ڈالیں کہ چکن ابلنے کے بعد آپ کے پاس ایک یا آدھا کپ یخنی رہ جائے۔

پیاز کو درمیانی سلائسس میں جبکہ ٹماٹروں کو موٹا موٹا کاٹ لیں۔
لہسن کے جووں کدوکش کر لیں یا چاہے تو کوٹ لیں۔
ہری مرچوں اور ہرے دھنیے کو بھی دھو کر باریک باریک کاٹ کے رکھ لیں۔

-:ترکیب

سب سے پہلے ہانڈی میں تیل ڈالیں۔ اب سلائس میں کٹے پیازوں کو ڈال کر صرف ٹرانسپیرنٹ ہونے تک پکائیں۔ پیازوں کو زیادہ براون کرنے کی ضرورت نہیں۔
اب اس میں لہسن کو ڈال کے ہلکا سا بھون لیں۔ کٹے ٹماٹر، تھوڑا سانمک، ہلدی، لال مرچ پاؤڈر اور کٹی لال مرچ کو شامل کر کے ٹماٹروں کے گلنے تک پکالیں۔  

اب تیار شدہ مصالحے میں ابلا چکن اور چکن پاؤڈر  شامل کر کے تقریبا 10 منٹ تک بھون لیں۔ پسی ادرک شامل کر کے ہلا کے یخنی شامل کر دیں۔

ایک دو ابال آنے کے بعد آنچ کو درمیانہ کر کے ہرا دھنیا، ہری مرچیں اور کٹا سوکھا دھنیا شامل کر کر کچھ دیر دم پہ رکھ دیں۔

ابلے انڈوں سے سجا کر گرما گرم نان یا روٹی کے ساتھ پیش کریں۔