Chicken Mashroom Pizza

بسم اللہ الرحمٰن الرحیم

السلام و علیکم ورحمتہ اللہ وبرکاتہ

-:اجزاء

پیزا ڈو

                             چکن بریسٹ  آدھی ▪
                     مسڈدپیسٹ  1 چائےکاچمچ ▪

لیمن جوس  2 کھانےکےچمچ ▪

نمک  حسب ضرورت ▪

گرم مصالحہ  1/2 چائےکاچمچ ▪

لال مرچ پاؤڈر  حسب ضرورت ▪

سوکھا ادرک  1/2 چائےکاچمچ ▪

 مشرومز / کھمبیاں   350 گرام ▪

زیتون کا تیل  2 کھانےکےچمچ ▪

پیزا سوس ▪

سبز شملہ مرچ  1 عدد ▪

ٹماٹو  1 عدد ▪

پیاز  1 عدد ▪

اوریگانو ▪

موزریلا چیز ▪

چیڈر چیز ▪

کالے زیتون ▪

-:ترکیب

 مشرومز کو سب سے پہلے کسی صاف نرم کپڑے سے صاف کر لیں۔ تاکہ ان پر لگی تمام مٹی اتر جائے، کیونکہ مشرومز کو دھویا نہیں جاتا ۔ اس وجہ سے انھیں کسی نرم کپڑے سے ہی صاف کرنا پڑتا ہے۔ صاف کرنے کے بعد تمام مشرومز کو درمیانے قتلوں میں کاٹ لیں۔

اب تھوڑے سے تیل اور ایک چھوٹی چٹکی نمک کے ساتھ مشرومز کو تیز آنچ پر چند منٹ تک پکا لیں گے۔ یاد رہے کہ زیادہ پکانے سے مشرومز سخت ہو جائیں گی۔

چکن کو اوپر دئیے  تمام مصالاجات کے ساتھ اچھی طرح سے مکس کر کے 20 سے 25 منٹ کے لئے میرنیٹ کر لیں گے۔ اسکے بعد فرائینگ پین میں آئل گرم کر کے چکن کو فرائی کر لیں۔

پیاز، ٹماٹر اور شملہ مرچ کو باریک باریک چوپ کر لیں۔ اور کالے زیتون کو گول گول رنگز میں کاٹ لیں۔

اب پیزے کی بیس کو ہاتھوں کی مدد سے یا بیلن سے بیل لیں۔ کانٹے کی مدد سے پرک کر لیں۔ اس سے ایک تو بیس اندر سے کچی نہیں رہے گی دوسرا پیزا بیک کرتے وقت درمیان سے بہت زیادہ پھولے گی نہیں۔

اب اس پر پیزا سوس کو اچھی طرح سے پھیلا لیں۔

اب پہلے سے پری ہیٹ اوون میں پیزا بیس کو پیزا سوس کے ساتھ کچھ سکینڈز کے لیے سیک لیں۔

اب اس پر چیڈر چیز کی تہہ لگائیں۔ 

اب اس پر پکے ہوئے چکن کے پیس رکھیں۔

دوبارہ سےتھوڑی سی چیز کی تہہ لگائیں۔

 پکے ہوئے مشرومز کو سارے پیزے پر پھیلا لیں۔

پھر چوپ ٹماٹر، پیاز اور شملہ  مرچ کو تما پیزے پر اچھی طرح سے پھیلا لیں۔

آخر میں دوبارہ سے چیز کو سارے پیزے پر پھیلائیں۔ اوپر سے کٹے ہوئے کالے زیتون رکھیں۔ اوریگانو کو چھڑک کر اپنے اوون کے حساب سے پیزا پکنے تک بیک کر لیں۔

لیجئے!! گرما گرم پیزا تیار ہے۔