Pasta with mayonnaise and veggies

پاستہ ود میونیز اینڈ سبزیاں

بسم اللہ الرحمٰن الرحیم

السلام و علیکم ورحمتہ اللہ وبرکاتہ

امید کرتی ہوں آپ سب خیر خیریت سے ہونگے۔ آج کی ڈش بہت آسان ہے۔  پاستہ تقریبا ہر گھر میں ہی بنتا ہے۔ آج کی ڈش بھی ہماری پاستہ سے ہی متعلق ہے۔  یہ پاستہ تقریبا میں 9 سالوں سے بنا رہی ہوں۔ مجھے دراصل میونیز بہت پسند ہے۔ جب پاکستان کو چھوڑ کر ہم اسپین منتقل ہوئے تو ایک دن گروسری کرتے وقت میونیز کا ایک جار میں نے لے لیا۔ کیونکہ میرے ذہن میں یہ تھا کہ یہ میونیز بھی پاکستان میں ملنے والی میونیز کی طرح ہی ہو گی۔۔ کیونکہ پاکستان میں ملنے والی میونیز کافی میٹھی ، جبکہ یہاں کی میونیز ذائقے کے حوالے سے ترش اور ہلکی نمکین ہوتی ہے۔ جب میں نے اسکا ذائقہ چکا تو اف۔۔۔۔یہ کیسی میونیز ہے۔ اس سے اچھی تو پاکستان میں ملتی ہے۔  تو اس وقت میں نے اس۔ نئے ذائقے والی میونیز کے ساتھ یہ پاستہ بنایا تھا۔ اور آج تک بناتی آ رہی ہوں۔ امید کرتی ہوں آپ کو بھی پسند آئے گا۔ اور ہاں ایک بات۔۔۔۔۔مجھے اب یہ میونیز بھی کافی پسند ہے۔ تو چلئیے باتیں کم اور ریسپی کے جانب زیادہ توجہ دیتے ہیں۔ 

جن اجزاء کی ہمیں ضرورت پڑے گی وہ آپ دیکھ لیں۔

-:اجزاء

کچا پاستہ   2کپ

مکس سبزیاں  2کپ

لیٹس پتہ باریک کٹا ہوا  1 تہائی کپ

 آلو     2 عدد درمیانے

میونیز    6 کھانےکےچمچ یا حسب ضرورت

گریک یوگرٹ   2 کھانےکےچمچ

تازی کٹی کالی مرچ    حسب ذائقہ

نمک   حسب ذائقہ

-:تیاری

سب سے پہلے آلوؤں کو چھیل کر دھو لیں۔ اب انھیں درمیانے درمیانے چوکور ٹکڑوں میں کاٹ لیں۔

اپنی یا بچوں کی پسند کی کوئی سی بھی آپ سبزیاں لے لیں۔

چھوٹے چھوٹے ٹکڑوں میں کاٹ کر اچھی طرح سے دھو لیں۔ میں یہاں پیکٹ کی جو سبزیاں ملتی ہیں وہ استعمال کروں گی۔ 

-:ترکیب

چولہے پر کڑاھی میں تیل کو گرم ہونے کے لئے رکھ دیں۔

ساتھ ہی چولہے کی دوسری سائیڈ پر ایک بڑے پتیلے یا دیگچی میں پانی کو گرم ہونے کے لئے بھی رکھ دیں۔ کیونکہ ہمیں پاستہ بھی ابالنا ہے۔ 

جب کڑاھی میں تیل گرم ہو جائے تو اس میں کاٹے ہوئے آلوؤں کو ڈال کر گولڈن براؤن ہونے تک فرائی کر لیں۔  

پھر انھیں کچن ٹاول پر نکال لیں،تاکہ ان کا زائد تیل نکل جائے۔

دوسری طرف جب پانی کو ابال آ جائے  اس میں دو کپ پاستہ تھوڑا سا نمک اور تیل شامل کردیں۔ پاستہ نرم ہونے تک ابال لیں۔ میں نے یہاں دو قسم کا پاستہ لیا ہے۔  آپ کو جو آسانی سے مل سکتا ہے وہ لے لیں۔ جب پاستہ ابل جائے تو چھلنی میں نکال لیں۔ اور ٹرے میں پھیلا دیں۔  

ساتھ ہی سبزیوں کو ابالنے کے لیے بھی پانی کو چولہے پر چڑھا دیں۔ جب پانی میں ابال آنا شروع ہو جائے تو تھوڑے سے نمک کے ساتھ سبزیوں کو ابال لیں۔ چھلنی میں نکال کر انہیں بھی ٹرے میں پھیلا دیں ۔ تاکہ سبزیاں بھی ٹھنڈی ہو جائیں۔

اس پاستہ کے لیے سب اجزاء کا ٹھنڈا ہونا ضروری ہے۔ 

ورنہ جو میونیز ہم اس میں شامل کریں گے وہ پگھل جائے گی۔ اب تمام اجزاء کو آپ ایک بڑی پیالی یا باول میں مکس کریں۔

اب اس میں میونیز ، گریک یوگرٹ ،نمک اور تازی کالی کٹی  مرچ  شامل کریں۔ اگر آپ کے پاس گریک یوگرٹ نہ یو تو آپ سادہ دھی کو لے کے اس کا پانی نکال لیں۔ جب پانی نکل جائے تو کانٹے کی مدد سے 2 سے 3 منٹ تک پھینٹ لیں۔ خیال رہے دھی زیادہ کٹا نہ ہو۔ اپنی پسند کے مطابق آپ میونیز کو کم یا زیادہ کر سکتے ہیں۔ پاستہ اور سبزیوں کو میونیز کےساتھ اچھے سے مکس کر لیں۔ نمک کو زرا ہاتھ روک کے شامل کریں۔ کیونکہ پاستہ اور سبزیاں ابالتے وقت ہم نے ان میں نمک شامل کیا تھا۔

آخر میں جو ہم نے آلوؤں کو فرائی کر کے رکھا تھا۔ اس سے گارنش کر کے سرو کریں۔ چاہیں تو تھوڑے سے فرائڈ آلو آپ پاستہ میں بھی مکس کر سکتے ہیں۔ فرائد آلو ہمارے پاستہ میں ایک ایکسڑا کرنچ دیں گے۔ 

پاستہ کو مزید اچھا فلیور دینے کے لیے آپ اس میں ابلا چکن اور انڈے بھی شامل کر سکتے ہیں۔ 

لیجئے مزیدار پاستہ ود میونیز اینڈ ویجیز ہو گیا تیار۔۔۔

آپ اسکو پاستہ سیلڈ کے طور پر بھی سرو کر سکتے ہیں۔

جب آپ نے پاستہ کو سرو کرنا ہو تو اس وقت اس میں میونیز کو شامل کریں۔

INGREDIENTS:-

2cups  un boiled pasta
2 cups  mixed veggies of your choice
 iceberg
2   medium sized potatoes
6tbsp  good quality mayonnaise
2 tbsp  greek yogurt
Freshly crushed Black papper to taste
Salt  to taste

Preparation:-

Wash and peel the potatoes, and cut them into medium square pieces.
Cut all the veggies of your choice in square pieces and wash them properly to remove any kind of dirt. Or you can also buy a pack of mix veggies from any shop.

Steps:-

1st of all we will fry the potatoes until golden brown and crispy take them out on a paper towel. Set aside . Let them cool completely.

Boil the pasta according to the direction of packet, drain and let them cool completely. In another pot boil veggies with lil bit of salt . Drain, and let them cool completely .

Cut the iceberg leaves into very thin strips. We need 1/3 cup of fine strips of iceberg leaves.

 In a bowl mix all the ingredients along with mayonnaise, (you can add less or more mayonnause to the pasta) Greek yogurt, salt and black pepper. Stir everything well untill well combine. Lastly sprinkle crispy fried potatoes on top  this will add an extra crunch to our pasta.

For variations you can also add boiled chicken and eggs.