بسم اللہ الرحمن الرحیم
السلام و علیکم ورحمتہ اللہ و برکاتہ
ہلدی کھلتے ہوئے پیلے رنگ کا انتہائی تیز مصالحہ ہے۔ جو ادرک کے خاندان سے تعلق رکھنے والے پودے سے حاصل ہوتا ہے۔ ہلدی تازہ حالت میں بھی دستیاب ہوتی ہے۔ لیکن عموما سوکھی ، کٹے ہوئے یا پسی ہوئی صورت میں فروخت کیا جاتا ہے۔ ہلدی کڑی پاؤڈر کا ایک اہم جز ہے جو بے شمار ایشیائی کھانوں بشمول مچھلی کے سالن اور دالوں میں استعمال کی جاتی ہے۔ ایشیا کی طرح نارتھ افریقہ کی بہت سی گوشت اور سبزیوں کی ڈشوں میں ہلدی کا استعمال عام ہے۔ ہلدی چٹنیوں اور اچاروں کو مخصوص پیلا رنگ اور منفرد ذائقہ دینے کے کام آتی ہے۔ ہلدی کا ذائقہ ہلکا تیکھا جبکہ اس کی خو شبو تیز ہوتی ہے۔ پیلے رنگ کی وجہ سے ہلدی کو زعفران کے متبادل کے طور پر بھی استعمال کیا جاتا ہے تاہم دونوں کا ذائقہ مختلف ہوتا ہے۔ ہلدی کو حسن میں اضافے کے لئے موثر سمجھا جاتا ہے۔ ابٹن اور رنگ کو نکھارنے والی کریموں میں ہلدی کو مرکزی حیثیت حاصل ہوتی ہے۔ جب کہ ہلدی اندرونی اور بیرونی زخموں کو بھرنے کے لیے بھی کام آتے ہے۔
0 comments:
Post a Comment